Eldisbændur

Tengill vegna starfs á heimasíðu Arnarlax https://jobs.50skills.com/arnarlax/is/25571

Tálknafjörður – Fullt starf

Umsóknarfrestur: 04.02.2024

Vegna vaxandi umsvifa leitum við nú eftir metnaðarfullum og áhugasömum eldisbændum í seiðaframleiðslu fyrirtækisins á Tálknafirði. 

Verkefnin eru fjölbreytt og krefjandi.

Helstu verkefni og ábyrgð

• Dagleg umönnun, fóðrun og eftirlit með laxaseiðum stöðvarinnar
• Skráning og skjölun á hinum ýmsu framleiðslu- og umhverfisþáttum í eldinu
• Ýmis verkefni tengd bólusetningu, flokkun og afhendingu seiða
• Eftirlit og þrif á búnaði og aðstöðu

Menntunar- og hæfniskröfur

• Vandvirkni og umhyggja fyrir eigin heilsu og öryggi
• Góð samskiptahæfni, sjálfstæð vinnubrögð og árangursmiðað hugarfar
• Metnaður og áhugi fyrir krefjandi verkefnum
• Reynsla og/eða menntun sem nýtist í starfi er kostur
• Íslensku- og/eða enskukunnátta er skilyrði
• Lágmarksaldur er 18 ára

Hefurðu ekki menntun eða reynslu af fiskeldi ?

• Þér er samt óhætt að sækja um. Ef þú ert rétti einstaklingurinn fyrir okkur þá kennum við þér það sem viðkemur starfinu. Við bjóðum líka uppá möguleika á námi í faginu meðfram vinnu ef áhugi er fyrir hendi
• Það mikilvægasta er þó að þú sért áhugasöm/samur um að gera þitt besta, sýnir fram á góða og snyrtilega umgengni og sért léttur í lund. Þá átt þú heima hjá okkur

Arnarlax býður:

• Spennandi vinnuumhverfi í ört vaxandi atvinnugrein
• Góð tækifæri til að þróast, bæði persónulega og faglega
• Flutningsstyrk ef við á
• Fjölbreytt verkefni, námskeið og þjálfun
• Stuðning til náms á því sviði sem starfið tekur til
• Samkeppnishæf laun

Arnarlax er leiðandi laxeldisfyrirtæki á Íslandi með aðalstarfsemi á Vestfjörðum og með höfuðstöðvar á Bíldudal. Fyrirtækið er að fullu samþætt með alla þætti virðiskeðjunnar undir, þar með talið seiðaframleiðslu, eldi, vinnslu og sölu.

Arnarlax teymið samanstendur nú af um 200 manns, dyggu og hæfu fólki á öllum stigum virðiskeðjunnar. Hjá okkur starfar einvala hópur fólks af öllum kynjum og ýmsum þjóðernum sem vinna saman að framleiðslu fyrsta flokks lax til viðskiptavina um allan heim.

Við erum með starfsemi í fimm mismunandi sveitarfélögum með starfsstöðvar á Bíldudal, Patreksfirði og Reykjavík og með seiðaframleiðslu á Tálknafirði, Þorlákshöfn og Hallkelshólum. Arnarlax framleiddi 16.000 tonn af laxi árið 2022 og gerir ráð fyrir miklum vexti á komandi árum.

Arnarlax er jafnlaunavottað fyrirtæki.

Arnarlax hvetur alla áhugasama einstaklinga til að sækja um starfið, óháð kyni.

Ef þú uppfyllir ofangreind skilyrði og hefur áhuga á að ganga til liðs við kraftmikið teymi okkar, vinsamlegast sendu okkur umsókn með ferilskrá og kynningarbréfi.

Við hlökkum til að heyra frá þér!

Umsóknarfrestur er til og með 4 febrúar 2024.

Nánari upplýsingar veitir mannauðsstjóri Arnarlax, Karen Ósk Pétursdóttir, karen@arnarlax.is.